Kaskó Vernd
Kaskó Vernd er tryggð endurgreiðsla á sjálfsábyrgð sem tryggingafélagið þitt innheimtir ef þú lendir í bótaskyldu tjóni á tryggðu ökutæki.
Ennfremur er tryggð endurgreiðsla á sjálfsábyrgð á bílum sem leigðir eru í gegnum viðurkenndar bílaleigur erlendis.
Kaskó Vernd er viðbót við þær bifreiðartryggingar sem þú hefur hjá þínu tryggingafélagi, en kemur ekki í stað þeirra trygginga.
Kaskó Vernd er gerð til eins árs og endurnýjast sjálfkrafa á ári hverju.
Komi til bótaskylds tjóns sækir þú bætur til þíns tryggingafélags sem mun krefjast greiðslu á sjálfsábyrgð. Þegar tryggingafélagið hefur lokið vinnslu við bótakröfu þína tilkynnir þú tjónið til okkar, sendir afrit af tjónauppgjörinu og við endurgreiðum þér sjálfsábyrgðina, að hámarki 146.500 kr.
Trygging hefst fyrsta virka dag eftir að iðgjald tryggingar hefur verið greitt.
Tryg Forsikring A/S
Kaskó Vernd er unnin í samstarfi við Tryg Forsikring A/S. Tryggingafélagið Tryg er stærsta tryggingafélag Danmerkur, þriðja stærsta í Svíþjóð og fjórða í Noregi. Tryg byggir á gömlum grunni en elsti partur Tryg var stofnaður 1731 í kjölfar brunans mikla í Kaupmannahöfn 1728.
Tryg tryggir 5.3 milljónir viðskiptavina og er fjórði hver Dani tryggður hjá Tryg.
