Stofnandi Tryggingamiðlunar Íslands ehf. er Karl Jónsson, löggiltur vátryggingamiðlari. Eigendur eru Friðbert Elí Friðbertsson, framkvæmdastjóri og löggiltur vátryggingamiðlari og Gísli Ölvir Böðvarsson sölustjóri. Þeir hafa samanlagt starfað hjá Tryggingamiðlun Íslands í yfir 40 ár.

Tryggingamiðlun Íslands hóf starfsemi sína með miðlun til bresku líftryggingafélaganna, Friends Provident International og Axa Sun Life. TMÍ þjónustar í dag yfir 20.000 samninga fyrir félögin. TMÍ þjónustar einnig þá vátryggingarsamninga sem Baloise í Luxemborg er með á Íslandi.

TMÍ hefur miðlað tryggingum og veitt ráðgjöf fyrir Allianz í Þýskalandi og Vörð tryggingar í yfir 20 ár. TMÍ sér um tjónaafgreiðslu á viðbótartryggingum Elko sem koma frá Moderna í Svíþjóð. TMÍ tók árið 2017 yfir þjónustu á vátryggingarsamningum sem Phoenix Life á á Íslandi. Þeir samningar voru áður í þjónustu Landsbankans og hét félagið áður Swiss Life. TMÍ er Coverholder at Lloyd’s og getum við boðið fjölbreyttar lausnir í hinum ýmsu tryggingum frá Lloyd’s. TMÍ miðlar starfsörorkutryggingum og sjúkdómatryggingum frá AXIS Specialty Europe.

Í samstarfi við Vector Nordic AB bíður Tryggingamiðlun Íslands nú upp á alferðatryggingar fyrir ferðaskrifstofur og hótel í samræmi við reglugerð vegna pakkaferða og samtengdrar ferðatilhögunar sem Ferðamálastofa fer fram á.

TMÍ hefur hlotið viðurkenninguna “Framúrskarandi fyrirtæki” 11 ár í röð eða 2011-2021. Sú viðurkenning er veitt af Creditinfo eftir ítarlega greiningu og einungis um 2% fyrirtækja landsins fá þann heiður. TMÍ er eina vátryggingamiðlunin sem hefur fengið titilinn framúrskarandi fyrirtæki. Tryggingamiðlun Íslands starfar undir lögum nr 62/2019 um dreifingu vátrygginga og starfar undir eftirliti Fjármálaeftirlitsins. TMÍ er með starfsábyrgðartryggingu löggiltra vátryggingamiðlara og er sú trygging hjá Verði tryggingum. TMÍ fagnar á árinu 2022 25 ára afmæli.